ABŞ prezidenti Donald Tramp federal miqrasiya orqanlarına qarşı etirazların davam etdiyi Minneapolis şəhərinin meri ilə danışıb.
Musavat.com xəbər verir ki, bu barədə o, "Truth Social"da paylaşım edərək, danışığın "çox yaxşı" keçdiyini bildirib:
"Minneapolis meri Ceykob Frey ilə çox yaxşı telefon danışığım oldu. Əhəmiyyətli irəliləyiş əldə edilib. Tom Homan müzakirəni davam etdirmək üçün sabah onunla görüşəcək". Homan Vaşinqton administrasiyasında sərhəd nəzarəti və qanunsuz immiqrantların deportasiyasından məsuldur.
Frey əvvəllər məhkəmədən federal agentliklərin qanunsuz immiqrasiyanın qarşısını almaq üçün əməliyyatlar aparmasını müvəqqəti olaraq qadağan etməsini istədiyini açıqlamışdı.
Musavat.com
