19 il əvvəl sifariş edilən valideynlər üçün jurnalın yalnız indi sahibinə çatdırılması Böyük Britaniyada maraqlı hadisəyə çevrilib.
Musavat.com xəbər verir ki, Böyük Britaniya sakininə 2007-ci ildə sifariş etdiyi jurnal 19 il gecikmə ilə çatdırılıb. Kral Poçtu bağlamaya əlavə etdiyi məktubda yaranmış narahatlığa görə üzr istəyib.
Məlumata görə, 52 yaşlı Pol Edvards qızı 18 aylıq olarkən və ikinci övladını gözlədiyi vaxt “Ana və Körpə” jurnalını sifariş edib. Nəşrdə uşaqların tərbiyəsi ilə bağlı məsləhətlər yer alırdı.
Edvards bildirib ki, yarısı cırılmış və əzilmiş bağlamanı görəndə əvvəlcə bunun nə olduğunu anlamayıb. Onun sözlərinə görə, bağlamanın üzərində “səmimi üzrxahlığımızı qəbul edin” qeydi də olub.
Maraqlıdır ki, jurnal sifariş edilən vaxt körpə olan uşaqlar hazırda universitetdə təhsil alırlar və onların 18 və 20 yaşları var.
Kral Poçtu insidenti şərh edərək bildirib ki, jurnal böyük ehtimalla itirilməyib, sadəcə hansısa şəkildə yenidən poçt sisteminə qaytarılıb və yalnız indi ünvanına çatdırılıb.
Musavat.com
