ABŞ Nikolas Maduro rejimi "bütün oğurlanmış Amerika aktivlərini" qaytarana qədər Venesueladan çıxan tankerləri saxlamağa davam edəcək.
Musavat.com xəbər verir ki, bunu ABŞ müdafiə naziri Pit Heqset X hesabında paylaşıb: "Prezident Tramp açıq şəkildə bildirib: Venesuelaya gedən və ya gələn sanksiyalı neft daşıyan tankerlərin blokadası Maduronun cinayətkar müəssisəsi bütün oğurlanmış Amerika aktivlərini qaytarana qədər tam qüvvədə qalacaq".
Onun sözlərinə görə, ABŞ sanksiyalı neft daşıyan tankerləri ələ keçirmək üçün "qeyd-şərtsiz" dəniz əməliyyatları aparacaq və "zorakılıq, narkotik və xaos" Qərb yarımkürəsini idarə etməyəcək: "Müharibə Nazirliyi, Sahil Mühafizəsi tərəfdaşlarımızla birlikdə, qanunsuz cinayətkar şəbəkələri dağıtmaq üçün "Cənub Nizə Əməliyyatı"nın bir hissəsi olaraq dənizdə qadağan əməliyyatları aparacaq".
Qeyd edək ki, 20 dekabrda ABŞ Sahil Mühafizəsi Venesuela sahillərində daha bir neft tankerini ələ keçirib. Əməliyyatın görüntülərini şərh edən ABŞ Daxili təhlükəsizlik naziri Kristi Noem Vaşinqtonun "bölgədə narko-terrorizmi" maliyyələşdirən sanksiyalı neftin qanunsuz daşınmasını davam etdirəcəyini vurğulayıb.
Musavat.com
