Paytaxtın Puşkin küçəsində Səməd Vurğun bağı istiqamətindən üzü Hökumət Evi tərəfə, yolun sağ kənarına avtobus zolağı çəkilib.
Musavat.com xəbər verir ki, sözügedən zolaq səhər saat 7-dən axşam saat 10-a qədər qüvvədədir.
Zolağa bu saat aralığında daxil olan sürücülər cərimə olunacaqlar. Zolaqda 1.11 üfüqi nişanlanma xətti çox sonra çəkilib.
Qeyd edək ki, bu da Nizami küçəsindən gələnlərin sıxlıq yaratmasına səbəb olur. Bu cür vəziyyətin yaranmaması üçün çıxış icazəsi əvvəl də verilməli idi. İnzibati Xətalar Məcəlləsinə görə, sürücülərin həmin zolağa daxil olması 100 manat, 2 bal cərimə deməkdir.
