Almaniyanın BILD qəzetinin məlumatına görə, keçmiş "Mançester Yunayted" futbolçusu Bastian Şvaynştayger ilə həyat yoldaşı, keçmiş dünya birincisi tennisçi Ana Ivanoviç haqqında ayrılıq iddiaları yayılıb.
Milli.Az xəbər verir ki, 2016-cı ildə evlənmiş cütlüyün üç oğlu var. Qəzet yazır ki, cütlük hazırda uzaq məsafəli münasibətin yaratdığı çətinliklərlə üzləşir.
40 yaşlı Şvaynştaygerin hazırda İndoneziyanın Cakarta şəhərində olduğu, 37 yaşlı Ana Ivanoviçin isə Serbiyanın paytaxtı Belqradda, uşaqları ilə birlikdə yaşadığı bildirilir.
Cütlük hələlik bu iddialarla bağlı ictimai açıqlama verməyib.
Almaniya millisinin dünya çempionu olmuş Şvaynştayger və 2008-ci ildə Fransa Açıq turnirinin qalibi olan Ana Ivanoviç, bu il ərzində çox nadir hallarda birlikdə ictimaiyyət qarşısına çıxıblar.
