Niderlandın Haaqa şəhərində fəaliyyət göstərən Beynəlxalq Ədalət Məhkəməsi (BƏM) Myanma (Birma) dövlətinə qarşı işə baxmağa başlayıb.
Musavat.com xarici mediaya istinadla xəbər verir ki, Myanma dövləti müsəlman rohinca xalqına qarşı soyqırım cinayəti törətməkdə ittiham olunur.
Bu, 11 ildə ildə baş tutan ilk soyqırım məhkəməsidir.
Müşahidəçilər hesab edirlər ki, məhkəmənin nəticəsi Myanmadan kənarda da nəticələrə səbəb olacaq. Bu, Qəzza müharibəsinə görə soyqırımda ittiham olunan İsrailə qarşı iddiaya da təsir göstərə bilər. İsrailə qarşı həmin iddianı Cənubi Afrika Respublikası qaldırıb.
BƏM BMT-nin əsas məhkəmə orqanıdır. Məhkəmənin Haaqadakı dinləməsi əsasən Cənub-Şərqi Asiya ölkələrinin diqqətini cəlb edib.
Bu, BMT orqanlarında rohinca məsələsinin qaldırıldığı ilk dəfə deyil. 2019-cu ildə Qərbi Afrikada, əsasən müsəlmanlardan ibarət ölkə olan Qambiya, qərbdəki Raxayn əyalətində yaşayan rohinca xalqının soyqırımına görə Myanmaya qarşı Beynəlxalq Ədalət Məhkəməsində ittiham irəli sürüb. Lakin rohinca xalqının faciəsi iki il əvvəl, 2017-ci ildə baş verib. Myanma ordusu ölkəyə xaricdən nüfuz edən ekstremist islamçı qrupların hökumət rəsmilərinə silahlı hücumlarına cavab olaraq basqınlara başlayıb və bu zaman ən azı 730.000 rohinca evlərini tərk etməyə və qonşu Banqladeşə sığınmağa məcbur olub.
BMT-nin faktaraşdırıcı missiyası "soyqırım aktlarının" mövcudluğunu etiraf edib. Myanma hökuməti hesabata qarşı çıxıb və ordunun hərəkətlərinin terrorçulara qarşı qanuni kampaniya təşkil etdiyini vurğulayıb. 2019-cu ildə Qambiyanın iddiası üzrə ilkin dinləmələrdə o vaxtkı Myanma lideri Aunq San Su Çi soyqırım ittihamlarını rədd edərək, onları "çaşdırıcı" adlandırıb.
Musavat.com
