Böyük Britaniyanın Baş naziri Keir Starmer ABŞ Prezidenti Donald Trampla söhbətində Qrenlandiya ilə bağlı fikir ayrılıqlarına görə Böyük Britaniya da daxil olmaqla səkkiz Avropa ölkəsinə tarif tətbiq etmək qərarını səhv adlandırıb.
Musavat.com xəbər verir ki, məlumat Baş Nazirin Ofisinin yaydığı açıqlamada yer alıb: "Baş nazir bu axşam bir sıra telefon danışıqları aparıb. O, Danimarkanın Baş naziri Mette Frederiksen, Avropa Komissiyasının prezidenti Ursula fon der Lyayen və NATO-nun Baş katibi Mark Rutte, daha sonra Prezident Trampla danışıb. Bu zənglər zamanı Baş nazir Qrenlandiya ilə bağlı mövqeyini bir daha təkrarlayıb. O bildirib ki, Şimalda təhlükəsizlik bütün NATO üzvləri üçün Avro-Atlantik maraqlarını qorumaq baxımından prioritetdir. O, həmçinin kollektiv təhlükəsizliyin təmin edilməsi üçün müttəfiqlərə tarif tətbiq etməyin səhv olduğunu bildirib".
Musavat.com
