Venesuela prezidenti Delsi Rodrigez ölkənin “iqtisadi hüquqlarını dünyada müdafiə etmək” və milli istehsalı inkişaf etdirmək planlarını açıqlayıb.
Musavat.com xəbər verir ki, bu barədə o, Məhsuldar İqtisadiyyat Şurasının iclasında danışıb: "Biz milli icra hakimiyyətini və neft, kənd təsərrüfatı, ərzaq, sənaye, kommersiya, kommunal xidmətlər, bankçılıq və neft ixracı kimi özəl sektorları təmsil edəcək Venesuelanın Dünyada İqtisadi Hüquqlarının Müdafiəsi üzrə Milli Komitə yaratmaq istəyirik".
Rodrigez "dövlət və özəl sektorun 14 iqtisadi sahənin inkişafını irəli aparmaq üçün birgə fəaliyyət göstərdiyi" milli istehsala diqqət yetirməyin və strateji idxal əvəzetməsinin həyata keçirilməsinin vacibliyini vurğulayıb. O, gündə 1,2 milyon barelə çatan neft satışından əldə edilən gəlirlərin Venesuela Mərkəzi Bankı vasitəsilə özəl banklara yönəldiləcəyini və valyuta bazarının fəaliyyətini asanlaşdıracağını, həmçinin effektiv valyuta idarəçiliyinə ehtiyac olduğunu bildirib.
İcraçı prezident qeyd edib ki, Venesuela ABŞ ilə iqtisadi əlaqələr qurmaqdan çəkinmir: "Biz müxtəlif sahələrdə enerji, ticarət və iqtisadi əməkdaşlığı nəzərdən keçiririk və bu ikitərəfli iqtisadi gündəm Venesuela xalqının maraqlarına xidmət etməlidir".
O, ölkənin Venesuela Prezidenti Nikolas Maduronun 2018-ci il iqtisadi bərpa, rifah və artım proqramını həyata keçirəcəyini bildirib.
Musavat.com
