“Çocuklar duymasın” serialında canlandırdığı “Meltem” obrazıyla tanınan Pınar Altuğ son paylaşımı ilə diqqət çəkib.
Musavat.com xəbər verir ki, 51 yaşlı məşhur aktrisa 19 yaşında çəkilmiş fotosunu “Instagram” hesabında paylaşıb.
O, paylaşımına “Buyurun, 19 yaşlı Pınar!” qeydini yazıb.
Altuğun gənclik fotosuna “Çox gözəlsən”, “Hər halınla gözəlsən”, “Təbii gözəllik” kimi şərhlər yazılıb.
Qeyd edək ki, Pınar Altuğ şəxsi həyatı ilə də tez-tez gündəmə gəlir. Özündən 9 yaş kiçik Yağmur Atacanla 17 il əvvəl ailə quran Altuğ uzun illərdir davam edən yaş fərqi müzakirələrinə fikir vermədiyini hər fürsətdə bildirir.
Ötən günlərdə qonaq olduğu bir proqramda evliliyi ilə bağlı fikirlərə cavab verən aktrisa belə deyib:
“Yağmurla 17 illik xoşbəxt bir evliliyimiz var. İçin rahatdırsa, heç kimə hesab vermək məcburiyyətində deyilsən. Həyatımın ən böyük cəsarəti ərimin yanında olmaq idi. Millətə qalsaydı, biz çoxdan ayrılmışdıq”.
Musavat.com
