Ağ Evin aparat rəhbəri və FTB direktoru prezident Donald Trampa Qətər tərəfindən bağışlanan təyyarədəki zəifliklər haqqında məlumatların sızması ilə bağlı istintaqı şəxsən əlaqələndiriblər.
Musavat.com CNN-ə istinadən xəbər verir ki, bu istintaqa bir neçə administrasiya rəsmisinin mobil telefonlarını təhvil verməsi tələbi də daxil olub.
Kanalın məlumatına görə, Tramp təyyarənin zəiflikləri haqqında məlumatların açıqlanmasından qəzəblənib, bundan sonra onun administrasiyası dərhal sızmalarla bağlı ciddi araşdırmaya başlayıb və sözün əsl mənasında bütün hökuməti sarsıdıb.
İstintaqın miqyası agentliklərdə panikaya səbəb olub. Onlardan ən azı biri işçilərinə vəkillərin razılığı olmadan telefonlarını təhvil verməyi təcili olaraq qadağan edib.
Musavat.com
