Sosial şəbəkələrdə tanınmış aparıcı Alidə Mustafayevanın Ağstafa Rayon İcra Hakimiyyətinin rəhbəri Seymur Orucovla boşanması barədə iddialar yayılıb.
Musavat.com bildirir ki, Alidə Mustafayeva sosial şəbəkə üzərindən məsələyə reaksiya verib.
Aparıcı qeyd edib:
“Media nümayəndələrini məlumatları paylaşmazdan əvvəl rəsmi mənbələrlə yoxlamağa, peşə etikası və məsuliyyət prinsiplərinə riayət etməyə çağırıram. Dezinformasiyanın yayılması hüquqi və ictimai məsuliyyət yaradır”.
Xatırladaq ki, cütlüyün toy mərasimi 2024-cü ilin fevral ayında baş tutub.
Xalidə Gəray
Musavat.com
