Rusiya istehsalı “Kvinsenta” adlı diabet dərmanı ilə bağlı aparılan genişmiqyaslı elmi tədqiqatın nəticələri açıqlanıb.
Musavat.com xəbər verir ki, araşdırmaya əsasən, preparat məşhur Qərb brendinə qarşı rəsmi şəkildə bioekvivalent — yəni farmasevtik cəhətdən tam oxşar — kimi tanınıb, lakin mühüm üstünlüklə.
Tədqiqat göstərib ki, “Kvinsenta”nın molekulyar quruluşu və bioloji aktivliyi orijinal dərmanla tam üst-üstə düşür. Preparat Rusiyada tam istehsal dövrü ilə hazırlanmış ilk semaqlutid hesab olunur.
Araşdırmada xüsusi olaraq kimyəvi sintez üsulunun üstünlükləri vurğulanır. Bu metod dərman molekulunun daha stabil və daha təmiz strukturda əldə olunmasına imkan verir. Mütəxəssislərin fikrincə, bu göstərici biotexnoloji üsulla hazırlanan analoqlarla müqayisədə ciddi üstünlük sayılır.
Klinik müşahidələr zamanı preparata qarşı immun reaksiyaların artması və normadan artıq yan təsirlər qeydə alınmayıb. Orqanizmin dərmana reaksiyası tam şəkildə orijinal preparatla eyni səviyyədə olub.
Beləliklə, II tip şəkərli diabetdən əziyyət çəkən pasiyentlər üçün sanksiyalardan və beynəlxalq logistika risklərindən asılı olmayan yeni və stabil müalicə alternativi formalaşıb.
Musavat.com
