Estoniya prezidenti Budapeştin Moskva ilə enerji əməkdaşlığını dayandıracağı təqdirdə Macarıstana sanksiya xərclərini kompensasiya etməyi təklif edib.
Alar Karis “Qazprom” da daxil olmaqla, Rusiya enerji şirkətləri ilə müqavilələri ləğv edəcəyi təqdirdə Macarıstanın potensial maliyyə itkilərini ödəməyə hazır olduğunu bildirib. O bildirib ki, bu cür müqavilələr yalnız Rusiyadan asılılığı artırır və Avropa Birliyi daxilində həmrəyliyi sarsıdır.
Estoniya prezidenti vurğulayıb ki, Budapeşt enerji maraqlarını əsas gətirərək Aİ-də yeni anti-Rusiya tədbirlərinin qəbul edilməsini müntəzəm olaraq təxirə salır. O hesab edir ki, maliyyə dəstəyi bu arqumenti həll edə və Macarıstan rəhbərliyini Moskvaya qarşı daha qətiyyətli mövqe tutmağa sövq edə bilər.
Əslində, Tallinn Budapeştə kompromisə təklif edir: Rusiya ilə enerji əməkdaşlığını dayandırmaq müqabilində iqtisadi kompensasiya. İndi hər şey Viktor Orbanın siyasətini yenidən nəzərdən keçirməyə və Karisin fikrincə, Kremlin əlinə keçən bir kursdan imtina etməyə hazır olub-olmamasından asılıdır.
Musavat.com
