Türkiyə Super Liqasının 35-ci turunda “Fənərbağça” bu gün “Başakşehir”in qonağı olacaq.
Musavat.com xəbər verir ki, “Sarı-göylər” matçdan əvvəl sosial media hesablarında etdikləri paylaşımda Başakşehir Fatih Terim Stadionu ifadəsini işlətməyib.
Bu isə Türkiyə futbolunun tanınmış simalarından olan Fatih Terimin qızı Merve Terimin etirazına səbəb olub.
Merve sosial media hesabında həmin paylaşımı bölüşərək “Fənərbağça”ya etiraz edib.
O, paylaşımında yazıb:
“O stadionun adı Başakşehir Fatih Terim Stadionudur! Mövcud olmayan ulduzu paylaşdıqdan sonra Fatih Terim adını yazmaqdan belə çəkinməyiniz, açığı, məni təəccübləndirmədi”.
Musavat.com
