Cəbhə zonasından yayılan məlumat hərbi dairələrdə ciddi rezonans doğurub.
Musavat.com xəbər verir ki, Rusiya hava hücumundan müdafiə qüvvələri S-300 zenit-raket kompleksi vasitəsilə F-16 qırıcısını vurduqlarını açıqlayıb.
Məlumata görə, əməliyyat uzun müddət planlaşdırılıb və hədəf diqqətlə izlənib. Zenit-raket divizionunun komandiri bildirib ki, F-16 ardıcıl iki raket zərbəsi ilə vurulub: ilk raket təyyarəni ağır zədələyib, ikinci zərbə isə onu tam sıradan çıxarıb.
Komandirin sözlərinə görə, qarşı tərəf bu tip qırıcıları “demək olar ki, məğlubedilməz” kimi təqdim etsə də, S-300 sisteminin hesablamaları və vaxtında açılan atəş nəticə verib. Hadisə zamanı təyyarənin havada parçalandığı bildirilir.
Musavat.com
