“Ümid edək ki, müəyyən vaxtdan sonra Ermənistanın siyasi rəhbərliyi düşünülmüş qərar verəcək və biz birlikdə yolumuza davam edəcəyik”.
Musavat.com erməni mediasına istinadən xəbər verir ki, bBunu jurnalistlərlə söhbətində Kollektiv Təhlükəsizlik Müqaviləsi Təşkilatının (KTMT) baş katibi İmanqali Tasmaqambetov bildirib, – TASS xəbər verir.
Təşkilat rəhbərinin sözlərinə görə, “Ermənistan məsələsi hər dəfə qaldırılır – təkcə Kollektiv Təhlükəsizlik Şurasının iclaslarında və mətbuat konfranslarında deyil, demək olar ki, jurnalistlərlə hər görüşdə bu mövzu gündəmdən düşmür”.
O qeyd edib ki, “Ermənistan müstəqil və suveren dövlətdir və istədiyi təşkilata daxil olmaq və ya fəaliyyətini dayandırmaq hüququna malikdir”.
Musavat.com
