ABŞ-nin Venesuela prezidenti Nikolas Maduronun ələ keçirilməsi ilə bağlı planlaşdırıldığı iddia edilən əməliyyatda iştirak etmiş təyyarələrin Yaxın Şərq istiqamətində hərəkət etdiyi bildirilir.
Musavat.com xəbər verir ki, monitorinq kanallarının yaydığı məlumata əsasən, sözügedən təyyarələr son saatlarda Avropa hava məkanı üzərindən Yaxın Şərqə doğru uçuş həyata keçirir. Uçuşların ABŞ-nin bölgədə artan hərbi-siyasi fəallığı fonunda baş verməsi xüsusi diqqət çəkir.
Qeyd olunur ki, bu təyyarələr daha əvvəl Venesuela ətrafında qeydə alınmış və Maduronun ələ keçirilməsi ilə əlaqələndirilən planlarda adı çəkilən hava vasitələri olub. Vaşinqton məsələ ilə bağlı hələlik rəsmi açıqlama verməyib.
Ehtimal olunur ki, ABŞ-nin eyni hərbi resursları müxtəlif regionlarda istifadəyə cəlb etməsi Yaxın Şərqdə mümkün yeni gərginlik ssenarilərinin hazırlandığını göstərə bilər.
Musavat.com
