Moskva aeroportlarında ciddi gərginlik yaşanır, çoxsaylı reyslər təxirə salınıb və ya ləğv edilib.
Musavat.com xəbər verir ki, sosial şəbəkələrdə yayılan məlumatlara görə, bəzi sərnişinlər artıq 17 saata yaxındır aeroportlarda gözləmək məcburiyyətində qalıblar.
Kadrlarda terminallarda böyük izdihamın yarandığı, insanların döşəmədə və oturacaqlarda gecələdiyi görünür.
Məlumata görə, uçuşların dayanmasına təhlükəsizlik səbəbləri və paytaxt ətrafındakı vəziyyət təsir edib. Rusiya rəsmiləri isə məsələ ilə bağlı geniş açıqlama verməyib.
Sosial şəbəkələrdə istifadəçilər yaranmış vəziyyəti 9 may paradı ilə əlaqələndirərək “insanlar paraddan uzaq qalmağa çalışır” kimi şərhlər yazıblar.
Musavat.com
