Amerika kəşfiyyat agentlikləri İranın yeni Ali lideri Ayətullah Müctəba Xameneinin atasından daha çox nüvə silahı hazırlamaqda maraqlı olduğuna inanırlar.
Musavat.com xəbər verir ki, məlumatı "The New York Times" qəzeti qiymətləndirmələrlə tanış olan rəsmilərə istinadən yayıb. Onların sözlərinə görə, müharibənin əvvəlində ABŞ kəşfiyyatının köməyi ilə İsrail hücumunda öldürülən Ayətullah Xameneinin atası heç vaxt açıq şəkildə İranı nüvə silahı hazırlamağa çağırmayıb. Lakin ABŞ kəşfiyyat agentlikləri inanırlar ki, Müctəba Xamenei və hakimiyyətə gələn daha mühafizəkar hökumətin nüvə silahı çalışmalarını nkişaf etdirmək ambisiyaları var.
Kəşfiyyat məlumatlarına görə, İran ötən ilin iyun ayında ABŞ tərəfindən bombalanan nüvə obyektlərindən uran zənginləşdirmə sentrifuqlarının ən azı bir hissəsini İranın mərkəzindəki Pikaks dağındakı yeni, möhkəmləndirilmiş yeraltı kompleksə köçürüb və ABŞ-ın onu məhv etmək üçün hər hansı bir quru hücumunun qarşısını almaq üçün orada quru qoşunları yerləşdirib.
ABŞ rəsmiləri hesab edirlər ki, bu, İranın uran zənginləşdirmə avadanlıqlarını qorumaqda maraqlı olduğunu göstərir. Onlar qeyd edirlər ki, ABŞ kəşfiyyat orqanlarının məlumatına görə, bombanın əsas komponentləri, əsasən İranın yüksək zənginləşdirilmiş uran ehtiyatı toxunulmaz qalır və Tehrana çatmaq üçün əlçatandır.
Musavat.com
