SEPAH Qüds Qüvvələrinin komandiri general Qasım Süleymaninin öldürülməsi əməliyyatını ABŞ İsraillə birlikdə hazırlayıb.
Musavat.com xəbər verir ki, bunu Fransada jurnalistlərə ABŞ prezidenti Donald Tramp deyib:
"Yadınızdadırsa, mən onu Ölüm Vadisində partlatdım. O, təyyarədən düşdü və biz də onun ardınca getdik. Və açığı, İsrail mənə çox gözəl yanaşırdı, amma onlar bu hücumu həyata keçirmək istəmirdilər. Onlar bir gecə əvvəl tam hazır idilər. Amma deyəsən, onlar bunu etmək istəmirdilər, ona görə də qərar verməli oldum".
O, əməliyyatın birgə həyata keçirildiyini qeyd edib: "Daşınmaz əmlak sektorunda dediyimiz kimi, bu, İsrail ilə bizim aramızda birgə müəssisə idi. Bir ay hazırlaşdıq və təxminən bir ay əvvəlcədən onun hansı təyyarə ilə uçacağını bilirdik. O, yalnız böyük və çoxlu sərnişinli kommersiya təyyarələri ilə uçurdu, çünki bilirdi ki, biz onu bu şəkildə vurmayacağıq".
Qeyd edək ki, Süleymani 3 yanvar 2020-ci ildə Bağdad hava limanı yaxınlığında ABŞ Hərbi Hava Qüvvələrinin raket hücumu nəticəsində öldürülüb.
Musavat.com
