2026-cı il parlament seçkilərində “Ermənistan xalqı” inamlı qələbə qazanacaq.
Musavat.com erməni mediasına istinadən xəbər verir ki, bu barədə 27 noyabrda jurnalistlərlə söhbətində Ermənistanın baş naziri Nikol Paşinyan bəyanat verib.
O əlavə edib ki, Ermənistan xalqının parlament seçkilərində birmənalı şəkildə qələbə qazanacağına çox böyük inamı var . Paşinyan burada “xalq” deyərkən yalnız öz tərəfdarlarını nəzərdə tutub.
Paşinyan bildirib ki, o heç vaxt heç bir seçkidə başqa məqsəd güdməyib. O əlavə edib ki, bu prinsip gələcəkdə də davam edəcək.
“Əgər kimsə özünə elə təsəvvür yaratmaq istəyirsə ki, mən ondan qorxuram — bu onun problemidir”, — deyə Nikol Paşinyan həmçinin həbsdə olan biznesmen Samvel Karapetyanın rəhbərlik etdiyi “Bizə görə” hərəkatı ilə bağlı suala cavab verərkən qeyd edib.
Musavat.com
