Ermənistanın baş naziri Nikol Paşinyan Zəngəzur layihəsi çərçivəsində tətbiq ediləcək gömrük nəzarəti texnologiyalarının ölkənin digər sərhəd-keçid məntəqələrində də istifadə olunacağını açıqlayıb.
Musavat.com xəbər verir ki, baş nazir bu barədə telekommunikasiya, İT və süni intellekt (AI) sahələrinin nümayəndələri ilə görüş zamanı danışıb.
Onun sözlərinə görə, sözügedən texnoloji həllər yalnız quru sərhədləri ilə məhdudlaşmayacaq, Zvartnots beynəlxalq hava limanı daxil olmaqla, respublikanın əsas hava qapılarında da tətbiq ediləcək.
Rəsmi açıqlamada bildirilir ki, yeni sistemlər sərhəd nəzarətinin rəqəmsallaşdırılması, prosedurların sürətləndirilməsi və təhlükəsizlik səviyyəsinin artırılması məqsədi daşıyır.
Musavat.com
