İran ətrafında davam edən gərginlik səbəbindən Qazaxıstan Xarici İşlər Nazirliyi vətəndaşlarına vəziyyət sabitləşənə qədər müvəqqəti olaraq İslam Respublikasına səfər etməkdən çəkinməyi tövsiyə edib.
Musavat.com xəbər verir ki, bu barədə Qazaxıstan mediası məlumat yayıb.
Hazırda İranda olan Qazaxıstan vətəndaşlarına ölkəni tərk etmək, gücləndirilmiş təhlükəsizlik tədbirlərinə riayət etmək və yerli hökumətin tövsiyələrinə ciddi şəkildə əməl etmək tövsiyə olunur.
Qazaxıstan Xarici İşlər Nazirliyi həmçinin vətəndaşları mövcud vəziyyəti və onun potensial eskalasiyasını nəzərə alaraq Yaxın Şərqə səfərlərini diqqətlə planlaşdırmağa çağırıb.
Qazaxıstanın İrandakı diplomatik nümayəndəlikləri adi rejimdə fəaliyyət göstərir.
Musavat.com
