Azərbaycan Respublikasının rəsmi nümayəndə heyəti İran İslam Respublikasının ali lideri ayətullah Əli Xameneinin vəfatı ilə əlaqədar Tehranda keçirilən irimiqyaslı və kütləvi dəfn mərasimində iştirak etmək məqsədilə bu ölkənin paytaxtına səfər edib. Azərbaycan tərəfi qonşu dövlətdə yaşanan tarixi matəm tədbirlərində yüksək səviyyədə təmsil olunur.
Musavat.com xəbər verir ki, rəsmi protokola və yayılan diplomatik məlumatlara əsasən, Tehrana yola düşən geniş tərkibli nümayəndə heyətinə Azərbaycan Respublikası Milli Məclisinin Sədri Sahibə Qafarova rəhbərlik edir.
Azərbaycan hökumətini və regional rəhbərliyi təmsil edən yüksək rütbəli rəsmilərin yer aldığı nümayəndə heyətinin tərkibinə həmçinin Azərbaycan Respublikası Baş nazirinin müavini Şahin Mustafayev, Naxçıvan Muxtar Respublikasının Baş naziri Cabbar Musayev və digər dövlət rəsmiləri daxildir.
Azərbaycan nümayəndə heyəti Tehranda keçirilən rəsmi vida mərasimlərinə qatılaraq, İslam Respublikasının rəhbərliyinə və İran xalqına Azərbaycan dövləti adından dərin hüznlə başsağlığı verəcək.
Musavat.com
