Səudiyyə Ərəbistanının müdafiə naziri Xalid bin Salman Əl Səud hesab edir ki, ABŞ-ın İrana zərbə endirməməsi Tehranda hakimiyyəti gücləndirəcək.
Musavat.com xəbər verir ki, məlumatı "Axios" mötəbər mənbələrə istinadən yayıb.
Portalın mənbələrinə görə, Səudiyyə Ərəbistanı naziri bu mövqeyini Vaşinqtonda yerli beyin mərkəzlərinin rəhbərlərinin iştirakı ilə keçirilən qapalı brifinqdə açıqlayıb.
"Axios" qeyd edir ki, bir gün əvvəl o, ABŞ dövlət katibi Marko Rubio, müdafiə katibi Pit Heqset, ABŞ prezidentinin elçisi Stiven Uitkoff və Birləşmiş Qərargah Rəisləri Komitəsinin sədri general Den Keyn ilə görüşüb.
Portala görə, Səudiyyə Ərəbistanının müdafiə naziri "bu mərhələdə, əgər bu (İrana zərbə - red.) baş tutmasa, bu, yalnız İran rəhbərliyini gücləndirəcək" deyib.
"Axios" qeyd edir ki, Səudiyyə Ərəbistanı naziri ABŞ prezidenti Donald Tramp administrasiyasının eskalasiyanın qarşısını almaq üçün hərbi əməliyyatlar keçirməli olacağı fikrini bildirib.
"Axios" bu cür açıqlamaların Ər-Riyadın rəsmi mövqeyi ilə ziddiyyət təşkil etdiyini vurğulayır.
Musavat.com
