İranın xarici işlər naziri Abbas Araqçi ölkədə hakimiyyətin zor gücü ilə ələ keçirilməsinə çağırış edən Rza Pəhləvinin açıqlamalarına sərt reaksiya verib.
Musavat.com xəbər verir ki, Araqçi dövlət mediasına açıqlamasında bildirib ki, hər bir ölkənin daxili məsələləri yalnız həmin ölkəyə aiddir və bu proseslərə müdaxilə yolverilməzdir.
Nazirin sözlərinə görə, İrana qarşı bu tip çağırışlar suverenliyə açıq hörmətsizlikdir və regionda gərginliyi daha da artırmaq məqsədi daşıyır. O vurğulayıb ki, İran öz daxili siyasi məsələlərini kənar təzyiqlər olmadan həll etmək gücündədir.
Açıqlama IRIB tərəfindən yayımlanıb.
Musavat.com
