ABŞ-nin İrana qarşı mümkün hərbi zərbə ssenarisi çərçivəsində bölgədəki hərbi-dəniz qüvvələrinin yenilənmiş dislokasiyası açıqlanıb.
Musavat.com xəbər verir ki, siyahıda bir aviadaşıyıcı və yeddi esmines yer alır.
Məlumata görə, ABŞ Hərbi-Dəniz Qüvvələrinə məxsus bu gəmilərin əksəriyyəti İrandan təxminən yeddi yüz kilometr radiusunda yerləşir. Bu məsafə İranın “Zolfaghar” tipli orta mənzilli ballistik raketlərinin çatma imkanları ilə üst-üstə düşür.
Dislokasiyada yer alan aviadaşıyıcı USS Abraham Lincoln və onu müşayiət edən esmineslər regionda artan hərbi-siyasi gərginlik fonunda Vaşinqtonun təzyiq və çəkindirmə strategiyasının tərkib hissəsi kimi qiymətləndirilir. Eyni zamanda, bu yerləşmə ABŞ donanmasını İranın raket imkanları baxımından birbaşa risk zonasına salır.
Musavat.com
