ABŞ administrasiyasının əldə etdiyi kəşfiyyat məlumatları ilə tanış mənbələrə görə, ABŞ İsrailin dəstəyi ilə İranda son etirazlar zamanı etirazçıların kütləvi şəkildə öldürülməsində iştirak etdiyi iddia olunan İran rejimi rəsmilərinin xüsusi siyahısını tərtib edir.
Musavat.com xəbər verir ki, məlumatlara əsasən, İranda etirazların yatırılması prosesində ölənlərin sayının təxminən 20 min nəfərə çata biləcəyi ehtimal olunur. Qeyd edilir ki, qurbanların əksəriyyəti mülki şəxslər və etirazçılar olub.
Kəşfiyyat məlumatlarında bildirilir ki, yüzlərlə insanın məhkəməsiz güllələndiyi və ya asıldığı iddia olunur. Məlumatı paylaşan mənbələr bu halların etirazların yatırılması çərçivəsində sistemli şəkildə baş verdiyini vurğulayırlar.
İsrail mənbələri qeyd edir ki, əldə olunan məlumatların Vaşinqtonun hərbi cavabına səbəb olub-olmayacağı hələlik bəlli deyil. Bununla belə, onlar bildirirlər ki, ABŞ administrasiyası İran etirazçılarına verdiyi dəstəyi nəzərə alaraq baş verənləri görməzdən gələ bilməyəcək.
Musavat.com
