Avropa İttifaqının heç bir ölkəsi və ya rəsmisi ABŞ Prezidenti Donald Trampın Ukraynada sülh nizamlanması planının hazırlanmasında iştirak etməyib.
Musavat.com xəbər verir ki, bunu Aİ xarici işlər komissarı Kaja Kallas Aİ xarici işlər nazirlərinin görüşündən sonra keçirilən mətbuat konfransında sualları cavablandırarkən deyib: "Xeyr, heç bir Aİ ölkəsi iştirakını təsdiqləməyib".
Onun sözlərinə görə, Aİ Ukrayna üçün yalnız bir "fəaliyyət planı" görür - Rusiyanı zəiflətmək və Ukraynanı dəstəkləmək - və hər hansı digər sülh planının əvvəlcə dəstəyini almasını istəyir: “Aİ-nin aydın iki mərhələli planı var: Rusiyanı zəiflətmək və Ukraynanı dəstəkləmək. Aİ-nin mövqeyi dəyişməyib: hər hansı bir sülh planının uğur qazanması üçün Ukrayna və Aİ-nin dəstəyi olmalıdır".
O, həmçinin əlavə edib ki, Aİ "Rusiya tərəfindən birtərəfli atəşkəs"də israr etməyə davam edir.
Musavat.com
