Argentinada qüvvədə olan maraqlı qanunlardan biri ölkə rəhbərini birbaşa ailə institutuna daxil edir. Bu qaydaya görə, Argentina prezidenti ailədə doğulan yeddinci uşağın xaç atası kimi çıxış edir.
Musavat.com xəbər verir ki, bu ənənənin kökündə qədim xalq inancları dayanır. İddialara görə, ailədə yeddinci uşaq – xüsusilə oğlan – xaç atası olmadıqda lobizon kimi tanınan varlığa çevrilə bilər.
Məhz bu qorxuların qarşısını almaq və eyni zamanda uşaqların sosial müdafiəsini gücləndirmək üçün dövlət belə bir mexanizm yaradıb. Qanun çərçivəsində prezidentin simvolik “ata” rolu uşağa müəyyən sosial imtiyazlar da qazandıra bilər.
Bu gün də Argentinada bu ənənə qorunur və hər yeni yeddinci uşaq doğulduqda prezidentin xaç atalıq statusu rəsmiləşdirilə bilər.
Musavat.com
