Rusiyada avtomobil bazarında qiymətlər bir il ərzində kəskin artıb.
Musavat.com noyabr ayının yekunlarına əsasən, ölkədə yeni minik avtomobillərinin orta çəkili qiyməti 16% bahalaşaraq 3,54 milyon rubla (təxminən 66 min manat) çatıb.
Artım təkcə yeni avtomobillərlə məhdudlaşmır. İkinci əl avtomobillərin orta qiyməti də illik müqayisədə 13% artaraq 1,3 milyon rubla (təxminən 24 min manat) yüksəlib.
Mütəxəssislər bahalaşmanı bir neçə amillə izah edir:
• valyuta məzənnəsinin dəyişməsi;
• Çin markalarının bazarda dominantlıq qazanması;
• istehsal və logistika xərclərinin artması;
• idxal olunan avtomobillərin azlığı.
Bundan əvvəl məlumat verilmişdi ki, Rusiyada taksi şirkətlərinin 60%-dən çoxu gələn il qüvvəyə minəcək 1 mart lokalizasiya tələbləri səbəbindən avtomobil parkını yeniləməyi planlaşdırmır. Bu isə bazarda həm tələbi, həm də qiymətləri əlavə olaraq formalaşdıran amillərdən biridir.
Musavat.com
