ABŞ Dövlət Departamenti son açıqlamasında “Bu, bizim yarımkürəmizdir” deyərək Qərb yarımkürəsi ilə bağlı mövqeyini ortaya qoydu.
Musavat.com bu ifadəni araşdırıb. Belə ki, sözügedən ifadə 1823-cü ildə prezident Ceyms Monro tərəfindən elan olunan “Monro doktrinası”nı xatırladır.
Monro doktrinasının əsas ideyası belə idi: Avropa dövlətləri Amerika qitəsindəki ölkələrin işlərinə qarışmamalıdır, ABŞ isə əvəzində Avropadakı münaqişələrə müdaxilə etməyəcək. Yəni, “Amerika amerikalılar üçündür” prinsipi ilə Qərb yarımkürəsi ABŞ-nin təsir dairəsi kimi qəbul edilirdi.
Tramp administrasiyasının bu bəyanatı isə o deməkdir ki, ABŞ öz regionunda liderliyini və təsir dairəsini qorumağa davam edir və xarici dövlətlərin Latın Amerikası və Karib bölgəsinə müdaxiləsini qəbul etmir. Mesaj aydındır: “Bizim təsir dairəmizdir, xarici qüvvələr qarışmasın”.
Belə çıxır ki, Trampın siyasətində Monro doktrinasının ruhu yenidən canlandırılır-ABŞ Qərb yarımkürəsində öz maraqlarını ön planda tutmaqda israrlıdır.
Nigar Həsənli,
Musavat.com
