İranda baş verən kütləvi etirazlar artıq səngiyib və ölkə faktiki olaraq susqunluğa qərq olub.
Musavat.com xəbər verir ki, xaricdə yaşayan minlərlə iranlı ABŞ prezidenti Donald Trump-ın Tehrana qarşı sərt addımlar atacağına, hətta hərbi zərbə endirəcəyinə ümid edirdi. Lakin bu gözləntilər özünü doğrultmadı: Vaşinqton müdaxilədən imtina etdi və proses sanksiyalarla məhdudlaşdı.
Məlumata görə, Körfəz ölkələrinin israrlı çağırışlarından sonra Tramp İranın ali dini lideri Ali Khamenei-yə daha bir şans verib. ABŞ prezidenti vəziyyəti sakitləşdirmək məqsədilə açıqlamalar verərək, guya İranda 800 edam hökmünün ləğv edildiyini bəyan edib və bununla beynəlxalq gərginliyi azaltmağa çalışıb.
Wall Street Journal yazır ki, ölkə üzrə etiraz dalğası faktiki olaraq dayanıb. Hüquq müdafiəçilərinin məlumatına görə, çərşənbə günü ərzində İranda bir dənə də olsun yeni etiraz aksiyası qeydə alınmayıb.
Rəsmi Tehran hadisələr zamanı təxminən 2 min nəfərin həlak olduğunu etiraf edir və məsuliyyəti “terrorçu qrupların” üzərinə atır. Hüquq müdafiə təşkilatları isə ölənlərin sayının 12–20 min arasında ola biləcəyini bildirir. Dəqiq rəqəmləri müəyyənləşdirmək mümkün deyil: ölkədə sərt senzura tətbiq olunub, internet uzun müddətə kəsilib.
Bir fakt dəyişməz qalır: bu hadisələr 1979-cu il İslam inqilabından bəri İranda baş verən ən kütləvi və ən qanlı proseslər kimi tarixə düşüb. Etirazçılar isə real beynəlxalq dəstək olmadan meydanda tək qalıb.
Musavat.com
