İraqın ərazi sularında hücuma məruz qaldıqdan sonra alovlanan tankerlərdə bir nəfər ölüb, 38 nəfər xilas edilib.
Musavat.com xəbər verir ki, bu barədə CNN məlumat yayıb.
İraq Limanları İdarəsinin direktoru Fərhan əl-Fartusi bildirib ki, İraqın ərazi sularında hücuma məruz qaldıqdan sonra Fars körfəzində alovlanan iki xarici neft tankerindən 38 heyət üzvü xilas edilib.
Lakin ən azı bir nəfər həlak olub.
Əl-Fartusinin sözlərinə görə, hücumdan sonra İraqın neft limanları fəaliyyətini dayandırıb.
İraq Birgə Əməliyyatlar Komandanlığının sözçüsü, general-leytenant Saad Maan hücumun İraq suverenliyini pozduğunu və hökumətin "münaqişənin tərəfi olmaqdan yayınmaq üçün hər cür səy göstərdiyini" bildirib.
Bu arada, İranın dövlət televiziyası olan IRIB xəbər verir ki, sualtı pilotsuz təyyarə "bu gecə Fars körfəzində iki neft tankerini partladıb".
Musavat.com
