Tehranın müxtəlif yerlərində quraşdırılan yeni xəbərdarlıq sirenlərinin görüntüləri sosial şəbəkələrdə maraq doğurub.
Musavat.com "Azad İran"a istinadən xəbər verir ki, cihazların dizaynı – qızılı günbəz, firuzəyi rənglər və naxışlı silindrik gövdə – Məscidül-Əqsa ilə vizual oxşarlığa görə müzakirələrə səbəb olub.
Tehran Şəhər Şurasının üzvü Mehdi Babayi bildirib ki, son müharibə təcrübəsi göstərdi ki, fövqəladə hallarda telefon bildirişləri yetərli deyil. Bu səbəbdən şəhər səsgücləndiricilərindən istifadə layihəsi hazırlanıb və ilkin sirenlər artıq əsas meydanlarda quraşdırılıb.
Rəsmi qurumlar dizaynla bağlı hələ açıqlama verməyib.
Musavat.com
