Hollivud rejissoru Rob Reynerin Los-Ancelesdəki (Kaliforniya) evində iki nəfərin cəsədi tapılıb.
Musavat.com xəbər verir ki, məlumatı Associated Press hüquq-mühafizə orqanlarındakı mənbələrə istinadən yayıb. Agentliyin məlumatına görə, təcili yardım xidmətləri Reyner və həyat yoldaşı Mişelin yaşlarına uyğun gələn yaşlı kişi və qadının cəsədlərini aşkar ediblər.
Reyner "Harri Salli ilə görüşəndə" (1989), "Bir neçə yaxşı kişi" (1992), "Amerika prezidenti" (1995) və "Kova siyahısı" (2007) də daxil olmaqla təxminən 30 filmin rejissoru olub.
Musavat.com
