Rusiya ilə Ermənistan arasında gərginliyi artıracaq yeni bəyanat səsləndirilib.
Musavat.com xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova Ermənistan hərbçilərinin guya Rusiyaya qarşı müharibəyə hazırlandığını bəyan edib.
Zaxarova bildirib ki, Ermənistanda keçirilən beynəlxalq hərbi təlimlər və hərbi hazırlıq tədbirləri Moskvanın diqqət mərkəzindədir.
Xatırladaq ki, hazırda Ermənistanda ABŞ, Fransa və Yunanıstanın iştirakı ilə “Qartal Tərəfdaşı-2026” təlimləri keçirilir. Ermənistan Müdafiə Nazirliyi təlimlərin beynəlxalq sülhməramlı əməliyyatlara hazırlıq, taktiki uyğunluğun artırılması və təcrübə mübadiləsi məqsədi daşıdığını açıqlayıb.
Rəsmi məlumatlarda Rusiya təlimlərin mümkün rəqibi və ya hədəfi kimi göstərilmir.
Musavat.com
