Monteneqro yığmasının yarımmüdafiəçisi Edvin Kuç qışda “Neftçi”dən ayrıla bilər.
Burada əsas heyətə düşməyə çətinlik çəkən legionerin vətəninə qayıtması gözlənilir.
Hazırda bir neçə yerli klubla danışıqlar aparır, onların arasında «Buduçnost» vçə «Mladost» da var.
Bakılılar Samir Abasovun xidmətindən az-az yararlandığı balkanlıya sərbəst agent statusu verməyə razıdır. Təbii ki, səbəbkar böyük məbləğdə təzminat istəməsə və müqaviləni qarşılıqlı formada pozmağa müsbət yanaşarsa.
«Ağ-qaralar» Kuçla 2024-cü ilin yayında 3 illik sözləşmsə imzalayıb.
31 yaşlı yarımmüdafiəçi Monteneqronun “Berane” (2012-2013), “Deçiç” (2013-2014, 2016-2017), “Mladost” (2015-2016), “Rudar” (2017-2019), Çexiyanın “Viagem Usti nad Labem” (2014-2015), Kosovonun “Ballkani” (2019-2024) və “Gyilani” (2020) klublarında çıxış edib,
Monteneqro millisinin heyətində 7 oyun keçirib, 3 qol vurub. Monteneqro çempionatının (2016), Kosovo çempionatının (2022, 2023, 2024), kubokunun (2024) və Superkubokunun (2023) qalibi olub. (sportinfo.az)
