Ermənistanın baş naziri Nikol Paşinyan tərəfdarlarına məzuniyyəti bitənə qədər konkret faktlarla birlikdə din xadimləri arasında hökuməti dəstəkləyən şəxslərin siyahısını hazırlayıb ona təqdim etmələri barədə göstəriş verib.
Musavat.com erməni mediasına istinadən xəbər verir ki, bu barədə yerli “İravunk” qəzeti məlumat yayıb.
Məqsəd ermənilər üçün ilin son dini bayramı sayılan Xaçveratsa qədər kilsə ilə bağlı planlaşdırdıqları nəticəyə çatmaqdır.
Qəzet qeyd edir ki, əslində hakimiyyət anti-kilsə kampaniyasından geri çəkilməyib, sadəcə olaraq ruhanilər arasında tərəfdar tapa bilmirlər.
Musavat.com
