Ermənistan vətəndaşı olan 27–37 yaşlı şəxslər könüllü şəkildə ölkəyə qayıtmaq və təklif olunan 5 variantdan birini seçmək şərti ilə cinayət məsuliyyətindən azad edilə bilərlər.
Musavat.com erməni mediasına istinadən xəbər verir ki, bu barədə yerli parlament tərəfindən “Hərbi xidmət və hərbi qulluqçuların statusu haqqında” qanuna edilən dəyişikliklər qəbul olunub.
Yeni qaydalara əsasən, hərbi xidmətdən yayınanlara aşağıdakı seçimlər təklif edilir:
Birinci variant – 24 ay tam hərbi xidmət keçmək
İkinci variant – 1 il 6 ay xidmət + dövlət büdcəsinə 2,5 milyon dram ödəmək
Üçüncü variant – 6 ay xidmət + 5 milyon dram ödəmək
Dördüncü variant – 1 ay xidmət + 10 milyon dram ödəmək
Beşinci variant – 15 milyon dram ödəyərək xidmət etməmək
Beləliklə, yeni qanuna əsasən, müəyyən məbləğ ödəməklə hərbi xidmətdən yayınan şəxslər həm cinayət məsuliyyətindən xilas olur, həm də real xidmət müddətini minimuma endirə bilirlər.
Qeyd edək ki, bu qərar cəmiyyətdə “pul ver, xidmət etmə” prinsipi kimi qiymətləndirilir və bərabərlik prinsipinin pozulması ilə bağlı müzakirələrə səbəb olub.
Musavat.com
