Rusiya Prezidenti Vladimir Putin bildirib ki, Moskva ilə Bakı arasında dövlətlərarası münasibətlərdə heç bir böhran baş verməyib.
Musavat.com xəbər verir ki, onun sözlərinə görə, yaşanan hadisəni yalnız Azərbaycan təyyarəsinin qəzasından sonra baş verən “emosional böhran” adlandırmaq olar.
“Mən deməzdim ki, biz dövlətlərarası münasibətlərdə böhran yaşadıq. Bu, emosiyaların böhranı idi və bunun səbəbi başa düşüləndir. Bir təyyarənin vurulması ilə üzləşdik və bunu həll etmək üçün vaxt lazım idi. Ümid edirəm ki, biz bu səhifəni çevirdik və ölkələrimiz arasında etimadı və tərəfdaşlığı gücləndirərək irəliyə gedəcəyik”, - Putin qeyd edib.
Musavat.com
