Rusiya Cənubi Koreya vasitəsilə Yaponiyadan reaktiv yanacaq partiyası almağı planlaşdırır.
Musavat.com xarici mediaya istinadla xəbər verir ki, göndərişin ən azı 200.000 barel olacağı gözlənilir.
Bildirilir ki, iyulun birinci yarısında Yaponiyanın Çiba limanından ən azı 200.000 barel reaktiv yanacağı göndərilməsi gözlənilir. Yük əvvəlcə Cənubi Koreyaya çatacaq və oradan Yeosu limanı yaxınlığında başqa bir gəmiyə ötürüləcək. Daha sonra yanacaq Rusiyaya göndəriləcək. Təyinat yeri hələ açıqlanmayıb.
Məlumata görə, oxşar marşrut 2022-ci ilin fevral ayında Yeosu vasitəsilə Vladivostoka təxminən 22.000 barel reaktiv yanacaq çatdırıldığı zaman istifadə olunub.
Ehtimal olunan alışlar Ukraynanın Rusiya neft emalı zavodlarına dron hücumlarından sonra reaktiv yanacaq ehtiyatlarının tükənməsi ilə əlaqələndirilir. “Röytera” agentliyi hesablayır ki, Rusiyanın reaktiv yanacaq ixracı bu il gündə təxminən 13.000 barelə düşüb və bu, bir il əvvəlki 30.000 bareldən aşağıdır.
Rusiyanın Belarusdan reaktiv yanacaq və benzin idxalını artırdığı, Hindistanda istehsal olunan benzin almağa başladığı və 1 iyun tarixindən etibarən reaktiv yanacağın ixracına müvəqqəti qadağa qoyduğu bildirlib.
Musavat.com
