Rusiya Müdafiə Nazirliyi Kirovqrad vilayətində iki Ukrayna vertolyotunun məhv edildiyini açıqlayıb.

Musavat.com xəbər verir ki, nazirliyin məlumatına görə, insidentdə Ukrayna Hərbi Hava Qüvvələrinin Mi-24 və Mi-8 tipli hava gəmiləri hədəf alınıb.

Rəsmi açıqlamada bildirilir ki, zərbə “Geran” (“Şahed”) pilotsuz uçuş aparatı vasitəsilə həyata keçirilib. Həmin an vertolyotlar Kanatovo hava limanından 46 km qərbdəki vertolyot meydançasında yerləşirmiş.

Müdafiə Nazirliyi vurğulayıb ki, əməliyyat planlaşdırılmış və dəqiq koordinatlarla icra olunub. Analitiklər bu hadisənin Ukrayna hava qüvvələrinə qarşı Rusiya ordusunun dronlardan istifadəsindəki yeni taktiki yanaşmalarını göstərdiyini bildirirlər.

Hadisə Ukrayna və Rusiya qüvvələri arasında cənub-şərq istiqamətində gərginliyin artdığı bir vaxtda baş verib və bölgədə hərbi əməliyyatların miqyasını daha da genişləndirməsi ehtimal edilir.



Musavat.com