RBC-nin məlumatına görə, Ermənistan və Serbiya bankları rusiyalı müştərilərin bank hesabları üzərində nəzarəti kəskin şəkildə sərtləşdirib.
Musavat.com xəbər verir ki, beynəlxalq biznes üzrə hüquqşünaslar və məsləhətçilər bildirirlər ki, bu addım Avropa İttifaqının Rusiyanı çirkli pulların yuyulması riski yüksək olan ölkələrin “qara siyahısı”na daxil etməsindən sonra atılıb.
O2 Consulting hüquq şirkətinin açıqlamasına əsasən, oxşar sərt nəzarət tədbirləri Tacikistan, Qazaxıstan və Oman banklarında da tətbiq olunmağa başlayıb. Yeni qaydalar Rusiyaya bağlılığı olan həm fiziki, həm də hüquqi şəxsləri əhatə edir.
Bu proses rusiyalılar üçün hesabların dondurulması, əlavə sənədlərin tələb olunması və bank əməliyyatlarının gecikməsi ilə nəticələnə bilər. Banklar isə bu addımlarla sanksiya və reputasiya risklərini minimuma endirməyə çalışır.
Musavat.com
