Ermənistanın keçmiş hakim siyasi elitasına bağlı qüvvələr sülh gündəmini yenidən təhlükə və qorxu dili ilə əvəz etməyə çalışır.
Musavat.com erməni mediasına istinadən xəbər verir ki, Ermənistan Milli Konqresinin baş nazir postuna namizədi Levon Zurabyan son açıqlamaları ilə diqqət çəkib.
Onun çıxışında əsas xətt regional reallıqların qəbulundan deyil, davamlı şəkildə müharibə sonrası vəziyyətin “kapitulyasiya”, “təhlükə” və “assimilyasiya” anlayışları ilə təqdim olunmasından ibarətdir.
Zurabyan Ermənistanın guya “azərbaycanlaşma” təhlükəsi ilə üz-üzə qaldığını iddia edərək, sülh prosesini milli suverenliyə zərbə kimi təqdim edib.
Nəticə etibarilə Zurabyanın açıqlamaları sülh gündəminə alternativ kimi təqdim edilən, lakin əslində müharibə sonrası reallıqların inkarına əsaslanan bir siyasi xətti ifadə edir.
Musavat.com
