Suriyada Bəşər Əsəd rejiminin devrilməsindən sonra formalaşan yeni siyasi hakimiyyət ölkənin dövlət təsisatlarının bərpası istiqamətində növbəti tarixi və strateji addımı atıb. Suriyanın yeni prezidenti Əhməd əş-Şaraa ölkə tarixində yeni dövrün ilk parlamentinin formalaşdırılması prosesini rəsmən başa çatdırıb.
Musavat.com xəbər verir ki, Fransanın nüfuzlu "AFP" agentliyinin yaydığı rəsmi məlumata görə, dövlət başçısı Əhməd əş-Şaraa yeni qanunverici orqanın tərkibinə daxil olacaq 70 deputatı şəxsən təyin edib. Bu addım ölkədə keçid dövrünün idarəedilməsi və yeni hüquqi bazanın yaradılması baxımından mühüm dönüş nöqtəsi hesab olunur.
Rəsmi bəyanatda həmçinin bildirilir ki, Əsəd rejimindən sonrakı dövrün yeni formalaşmış parlamenti özünün ilk tarixi və rəsmi iclasını iyulun 6-da keçirəcək. Beynəlxalq siyasi analitiklər bu addımı Suriyanın uzun illər davam edən vətəndaş müharibəsi və diktaturadan sonra rəsmi dövlət təsisatlarını demokratikləşdirmək və beynəlxalq birliyə inteqrasiya etmək yolunda atdığı ən ciddi siyasi addımlardan biri kimi qiymətləndirirlər.
Musavat.com
