Sosial mediada dəbdəbəli həyat tərzi və rəngarəng çıxışları ilə tanınan məşhur müğənni və fenomen Murat Övüç bu dəfə oğlu Burak Canın toy məclisi ilə gündəmə gəlib.
Milli.Az xəbər verir ki, Övüç gəlininə etdiyi qiymətli hədiyyələrlə sosial medianın diqqət mərkəzinə düşüb.
Keçirilən nişan mərasimində də gəlini Leyla Tuğçeyə 2 kilo qızıl hədiyyə etməsi ilə səs-küyə səbəb olan Murat Övüç bu dəfə də zinət mərasimində şou göstərib.
O, toy mərasimində gəlini Leyla Tuğçeyə Hörmə dəsti, Trabzon bükümü, çox sayda qolbaqlar hədiyyə edib.
Təmtəraqlı məclisdə çox sayda qonaq iştirak edib. Mərasimdəki görüntülər və Murat Övüçün sosial şəbəkədə paylaşdığı anlar qısa zamanda geniş izlənmə toplayıb.
