Gürcüstan Rusiya ilə münasibətlərin normallaşdırılmasına hazır olduğunu bəyan edib, lakin bunun üçün əsas və dəyişməz şərt irəli sürüb.
Musavat.com xəbər verir ki, bu barədə Gürcüstan parlamentinin sədri Şalva Papuashvili açıqlama verib.
Onun sözlərinə görə, Tiflis Moskva ilə dialoqun bərpasında maraqlıdır, lakin bu prosesin təməlində Gürcüstanın ərazi bütövlüyünün tanınması dayanmalıdır:
“Gürcüstan Rusiya ilə münasibətlərin normallaşmasının tərəfdarıdır və bunun əsası ölkəmizin ərazi bütövlüyünün tanınması olmalıdır”, – deyə Papuashvili bildirib.
Musavat.com
