Bu ilin əvvəlində ABŞ prezidenti Donald Tramp Ukraynanın Rusiyanın enerji infrastrukturuna zərbələrini müsbət qiymətləndirib.
Musavat.com xəbər verir ki, məlumatı The New York Times mənbələrə istinadən yayıb. Qəzet Trampın rəhbərliyi altında ABŞ-ın bu il Ukrayna nizamlanması ilə bağlı məsələlər üzərində necə işlədiyinə dair uzun bir məqalə dərc edib.
Məqalədə xüsusilə iddia edilir ki, 2025-ci ilin iyun ayında bir qrup MKİ zabiti və ABŞ hərbi zabiti "daha məqsədyönlü Ukrayna kampaniyası (enerji infrastrukturuna zərbə vurmaq – red.) hazırlamaq üçün görüşüblər. Plan yalnız neft anbarlarına deyil, əsasən neft emalı zavodlarının özlərinə diqqət yetirmək idi".
New York Times-ın yazdığına görə, MKİ direktoru Con Retkliff bu zərbələri prezidentlə müzakirə edib: "ABŞ rəsmilərinin sözlərinə görə, Tramp ABŞ-ın oynadığı rolu tərifləyib. Retkliffə bildirib ki, bu zərbələr Rusiya ilə danışıqlarda onun mövqeyini gücləndirir".
Musavat.com
