Ukraynada vəziyyət sürətlə pisləşir, Kiyevin canlı qüvvə ehtiyatları tükənmək üzrədir, cəbhədə isə Rusiya təzyiqi getdikcə artır.
Musavat.com xəbər verir ki, "The Economist" bu barədə yazıb.
Nəşrin məlumatına görə, Rusiyanın kütləvi istehsala keçdiyi dronlara yatırdığı böyük investisiyalar artıq nəticə verməyə başlayıb. Bu dronlar Ukraynanın ön xətt arxasındakı təchizat yollarını kəsməklə, Kiyevin müdafiə imkanlarını ciddi şəkildə zəiflədir.
Yeni silahlar üfüqdədir – Rusiya ordusunun tətbiq etməyə hazırlaşdığı reaktiv hücum dronları və sürüşmə bombaları xüsusilə Xarkov və Dnepr kimi iri şəhərləri yaşanmaz məkana çevirmək təhlükəsi yaradır.
Nəşrin vurğuladığına görə, Ukrayna cəbhəsində vəziyyət hər gün bir qədər də ağırlaşır və qarşıdakı aylar ölkə üçün daha ciddi sınaqlarla yadda qala bilər.
Musavat.com
